برنامج الطعام القوي

شرح أسفار الكتاب المقدس

للشباب من سن (19 – 30) سنة

فى مدرسة إسكندرية اللاهوتية، كان أهم حاجة عندهم شرح أسفار الكتاب المقدس وكان تفسيرهم للكتاب مناسب للعصر بتاعهم ومتطور وكان شرح روحي (رمزي) وتاريخي لاهوتى، احنا دلوقتي عاوزين نقدم شرح متكامل (روحي وتاريخي ولاهوتي وكنسي) ويكون معاصر للزمن الحالي وده من خلال لقاء أسبوعي لمدة 4 أسابيع كل شهر، ونخلص شرح الكتاب المقدس كله بإذن ربنا في 4 سنين متقسمة على 12 مرحلة ، تقدر تحضر منها اللي تقدر عليه.

كان عندهم شرح الكتاب المقدس شرح «خلاصي» يعني بيكرزوا فى كل شرح لعقيدة إيمانية، هي العقيدة دي إيه دورها فى خلاصنا؟، وكما كان عندهم الحياة وحدة واحدة مش متقسمة، يعني يهمهم جداً يعيشوا اللى بيقروه وبيدرسوه من كلمة ربنا.

كان عندهم تلمذة وأبوة، كل مجموعة تلاميذ ليهم أب معلم، بيتعلموا من سلوكه وسيرته قبل تعاليمه ده هدفنا برضوا فى راكوتي، عشان راكوتي ليها نظام فى شرح الكتاب هو نظام اللقاء المُجمع والمجموعات الصغيرة، اللقاء المُجمع بنحضره كلنا وأبونا بيشرح النص الكتابي وبعدين كل شاب وشابة بيتقسم مع مجموعته الصغيرة من (10- 15) شخص و معاهم أخ أو أخت أكبر ليهم يتشاركوا في الجزء ده إزاى يعيشوه ويطبقوه في حياتهم ويستفيدوا من خبرات بعض.

لو انتوا مجموعة شباب بتخدموا مع بعض فى كورال أو كشافة أو فريق رياضي أوأسرة جامعية أو فريق مسرح أو فصل مدارس أحد جامعي ..... وليكم أمين أو أمينة خدمة وحبيتوا تيجوا مع بعض راكوتي وتكونوا زى ما انتوا مجموعة صغيرة تدرس الكتاب المقدس سواء، فده متاح بس بتقدموا طلب لراكوتي قبل ما تحبوا تبتدأو بشهر على الأقل عشان الترتيبات.

تقدر تدخل راكوتي في أي وقت وتقدر تطلع في أي وقت وهتأخد شهادة بالأسفار اللى حضرت 70% من شرحها.

تقدر تنضم لراكوتي لوحدك و هتتوزع على مجموعة و أو تقد تنضم مع أصحابك كمجموعة و راكوتي هترشحلكم قائد.


شكل برنامج اليوم

7:50 8:0 مساءاً إستقبال وترحيب

8:00 8:15 مساءاً صلاة إفتتاحية

8:15 8:30 مساءاً خبرتنا مع درس الأسبوع اللى فات (تقديم شباب من مجموعة من المجموعات)

8:30 9:10 مساءاً شرح درس الأسبوع ( الشرح الجماعي )

9:15 10:00 مساءاً مشاركة الدرس فى المجموعات الصغيرة

10:15 10:30 مساءاً صلاة ختامية جماعية


الزمان والمكان

مؤقتاً راكوتي هتكون فى جمعية جنود المسيح لحد ما كنيسة مارجرجس تبقى متاحة

وميعادنا كل يوم جمعة من 8: 10:30 مساء